Þriðji tvíburinn

Þriðji tvíburinn er æsispennandi saga um dulda illsku frá meistara spennusagnanna, Ken Follett. Jeannie Ferrami er ung vísindakona sem rannsakar atferli eineggja tvíbura sem aldir hafa verið upp hvor í sínu lagi. Við rannsóknir sínar uppgötvar hún dularfulla ráðgátu: Eineggja tvíbura sem fæddir eru sitt hvorn daginn, á sitt hvorum staðnum og hvor með sína móðurina. Annar þeirra, Steve, er indæll laganemi, meðan hinn er dæmdur morðingi. Meðan Jeannie vinnur með Steve að verkefni sínu verður hún ástfangin af honum, en verður fyrir miklu áfalli þegar hann er sakaður um hræðilegan glæp. Jeannie efast um sakargiftirnar, en til að sanna það þarf hún að kollvarpa öllu sem hún hefur áður trúað. Eftir því sem hún grefst meira fyrir, uppgötvar hún ógnvekjandi samsæri - og ljóst er að einhver er tilbúinn að drepa til að halda því leyndu. Þriðji tvíburinn kom fyrst út árið 1996 og hefur síðan selst í yfir 10,5 milljónum eintaka um allan heim. Árið 1997 kom út sjónvarpsmynd með sama nafni og bókin, The Third Twin.