Barkuen hilerria

<div><!--block-->Sekretu batzuk luzaroan egoten dira ezkutuan, hamarkada askotan, baina, une<br>jakin batean, iragan beldurgarriak itzultzea erabakitzen du. Sekretu horiei<br>buruzko nobela da Barkuen Hilerria. Eta lehen amodioei buruzkoa ere bada, eta<br>kontatzen du maitatzen ikasten hasten ari denak pasioa nola aurkitzen duen.<br>Baina, batez ere, duintasunari buruzko eta abusuaren aurkako eleberri bat da.<br>Beti zigorrik gabe aterako direla uste dutenen abusuez mintzo da, eta<br>emakumeen jabe balira bezala jokatzen dutenez.<br>Bikotea osatzen duten neska eta mutila bizitzaren une erabakigarrian<br>daude. Uda batek aldatuko du dena, behin betiko. Bi gazteak borrokan arituko<br>dira nonahi dauden mafia txiki horien aurka.<br>Misteriozko eleberria da esku artean duzuna, lehen unetik intrigaz<br>gainezka egiten duena. Egia deseroso batzuk aurkitzera abiatuko zara<br>protagonistekin batera, nahiz eta batzuek nahiago luketen egia horiek ez<br>ezagutzea…</div>