Baskerville–hundurinn

Hvað myndir þú gera ef þér væri sagt að aldargömul bölvun lægi á fjölskyldunni þinni? Myndir þú hlæja að því eða taka því alvarlega? Sögur segja að risastór og ógnvekjandi hundur hafi elt Baskerville-ættina í kynslóðir og valdið dauða margra þeirra. En er það virkilega djöfullegur hundur sem hrellir ættina – eða manneskja með ill áform? Þegar Sir Charles Baskerville finnst látinn við dularfullar aðstæður lifnar sagan og bölvunin við á ný. Athuguli einkaspæjarinn Sherlock Holmes og félagi hans, Watson læknir, eru fengnir til að aðstoða við rannsóknina. Á meðan rannsóknin þróast áfram koma sífellt fleiri leyndarmál í ljós. Fólk birtist og hverfur, undarleg atvik eiga sér stað og engum er hægt að treysta. Baskerville-hundurinn er þriðja ævintýri hins víðkunna og úrræðagóða einkaspæjara Sherlock Holmes og er ein þekktasta saga allra tíma. Árið 2003 völdu áhorfendur breska ríkisútvarpsins BBC bókina sem eina af sínum uppáhalds skáldsögum. Þessi bók er fullkomin fyrir þá sem hafa gaman að spennu og dularfullum ráðgátum. Hún sýnir af hverju Sherlock Holmes er enn í dag einn þekktasti spæjari bókmenntasögunnar.